Ingabe uthenga ku-inthanethi?
I-Ajenda Ye-Scammer
Ukuthenga ku-inthanethi kulula, kodwa sidinga ukuqinisekisa ukuthi siyayazi futhi siyayethemba inkampani esihweba nayo. Kudingeka ukucophelela ukuze kuqinisekiswe ukuthi inkampani isemthethweni , nokuthi iwebhusayithi ayiyona indawo yomgunyathi elingisa umkhiqizo odumile (ukwebiwa komkhiqizo, phecelezi, brandjacking). Udinga futhi ukuqinisekisa ukuthi iwebhusayithi ayizishayi njengebhizinisi elisha noma umkhiqizo, okuhloswe ngawo ubugebengu bokweba imininingwane ebucayi noma ukufaka uhlelo olungayilungele ikhompyutha kumadivayisi akho.
Indlela Yokuphendula
Ukwenza lula izinto kokuthenga ku-inthanethi kwenza abaningi bethu basebenzise imali yethu ngaphandle kokushiya osofa bethu. Kusongela isikhathi sikwazi ukwenza ezinye izinto ezibaluleke kakhulu empilweni yethu – nokho-ke, sidinga ukuqaphela lapho sithenga khona.
Amaqola akha izitolo-mbumbulu zokuthenga eziku-inthanethi ezingamanga, kodwa ezikholisayo ezinikeza ulwazi olugcwele lokuthenga ku-inthanethi, eziklanyelwe ubugebengu bokweba imininingwane ebucayi futhi zintshontshe imali yakho. Uma usufake iwebhusayithi futhi/noma uthenge, amaqola angase asebenzise i-malware nesofthiwe ye-keylogger kudivayisi yakho ukuze bakopishe amaphasiwedi akho nama-PIN. Uma usuqedile ukuthenga kusayithi, basale nemininingwane yekhadi lakho lesikweletu futhi.
Ungathengi kumawebhusayithi angaziwa futhi angakwazi ukuqinisekiswa. Hlola imigomo nemibandela yabo kanye nemininingwane yokuxhumana ukuze uhlonze indawo yabo nemininingwane yebhizinisi. Phenyisisa inkampani ukuze uqiniseke ukuthi iyibhizinisi elisemthethweni futhi uphinde wenze ukuskena kwewebhusayithi ukuze uhlole noma yimiphi imizamo yokukhwabanisa eyaziwayo evela kuwebhusayithi.
Ungajahi ukuthenga emabhizinisini angaphandle kwemingcele njengoba izimpahla zingase zibe sezingeni eliphansi futhi ngeke ube nandlela yokunxephezeleka. Okubi nakakhulu, izimpahla zingase zingalethwa, futhi ungase ulahlekelwe enye noma yonke imali oyikhokhile lapho uthenga.
Izimakethe zokuhweba ezinkundleni zokuxhumana ziyizindawo ezijwayelekile zokudayisa nokukhangiswa kwezimpahla. Amaqola afaka izikhangiso-mbumbulu ngamanani amahle kulezi zinkundla zokuxhumana ukuze bakunxenxe ukuthi uchofoze isixhumanisi ukuze ubone okwengeziwe. Uma usukwenzile lokho, iqola lithumela isofthiwe engayilungele ikhompyutha kanye ne-keylogger kudivayisi yakho ukuze irekhode amaphasiwedi akho nama-PIN futhi ihube idatha yakho.
Ungachofozi izixhumanisi ezivela ezitolo ezingaziwa noma ezingaqinisekisiwe noma abantu noma izikhangiso. Sebenzisa indlela “kungcono ukuphepha kunokuzisola” ukuze uzivikele ekubeni yisisulu ama-scam.
Ozakwethu
